ମୁମ୍ୱାଇ,୦୨/୦୧: ଖୁବଶୀଘ୍ର ରିଲିଜ ହେବାକୁ ଯାଉଛି ଥାଲାପତି ବିଜୟଙ୍କ ଫିଲ୍ମ ‘ଜନ ନୟାଗନ’। ଫିଲ୍ମ ରିଲିଜକୁ ନେଇ ଫ୍ୟାନ୍ସ ଉତ୍ସାହର ସହ ଅପେକ୍ଷା କରିଥିବା ବେଳେ ଏହାରି ମଧ୍ୟରେ ଫିଲ୍ମ ଟ୍ରେଲରର ରିଲିଜ ତାରିଖ ଘୋଷଣା ହୋଇଛି। ଜାନୁଆରୀ ୧ରେ, ନିର୍ମାତାମାନେ ଫିଲ୍ମର ଏକ ନୂତନ ପୋଷ୍ଟର ରିଲିଜ୍ କରି ଟ୍ରେଲର ରିଲିଜ ତାରିଖ ଏବଂ ସମୟ ପ୍ରକାଶ କରିଛନ୍ତି ।
ତେବେ ଟ୍ରେଲରଟି ଫିଲ୍ମର ଅଡିଓ ଲଞ୍ଚ ହେବାର ଗୋଟିଏ ଦିନ ପୂର୍ବରୁ ରିଲିଜ୍ ହେବ । ନିର୍ମାତାମାନେ ଇନଷ୍ଟାଗ୍ରାମରେ ‘ଜନ ନୟାଗନ’ ନୂତନ ପୋଷ୍ଟର ସେୟାର କରି ଘୋଷଣା କରିଛନ୍ତି ଯେ, ଫିଲ୍ମଟି ୩ଟି ଭାଷାରେ ମୁକ୍ତିଲାଭ କରିବ । ପୋଷ୍ଟର ସେୟାର କରି ସେ କ୍ୟାପସନଲୋଖା ହୋଇଛି, ‘ଜନ ନୟାଗନ’ ଟ୍ରେଲର ତାମିଲ, ତେଲୁଗୁ ଏବଂ ହିନ୍ଦୀ ଟ୍ରେଲରଗୁଡ଼ିକ ଜାନୁଆରୀ ୩ ସନ୍ଧ୍ୟା ୬ଟା ୪୫ ରେ ମୁକ୍ତିଲାଭ କରିବ ।” ଏହି ଘୋଷଣା ପରେ, ପ୍ରଶଂସକମାନେ ଫିଲ୍ମରେ ବିଜୟଙ୍କ ପ୍ରଥମ ଝଲକ ପାଇଁ ଉତ୍ସାହର ସହ ଅପେକ୍ଷା କରିଛନ୍ତି । ଏହି ଫିଲ୍ମରେ ପୂଜା ହେଗଡେ ଏବଂ ବବି ଦେଓଲଙ୍କ ସହିତ ଥଲାପତି ବିଜୟ ମଧ୍ୟ ମୁଖ୍ୟ ଭୂମିକାରେ ଅଭିନୟ କରିଛନ୍ତି । ନିକଟରେ ନିର୍ମାତା ଫିଲ୍ମରୁ ବବି ଦେଓଲଙ୍କ ପ୍ରଥମ ଲୁକ୍ ରିଲିଜ୍ କରିଛନ୍ତି । ବବି ଦେଓଲଙ୍କ ଜନ ନାୟଗନଙ୍କ ପ୍ରଥମ ଲୁକ୍ ପ୍ରକାଶ କରି, ନିର୍ମାତା ଏହାର କ୍ୟାପସନ୍ ଦେଇଛନ୍ତି, “ଆସ, ସମସ୍ତ ଭାଇ, ତାଙ୍କ ଶେଷ ନୃତ୍ୟ ଦେଖିବାକୁ ଏକାଠି ହୁଅ।” ଏହି ତିନି ତାରକାଙ୍କ ବ୍ୟତୀତ, ଫିଲ୍ମରେ ମମିତା ବୈଜୁ, ପ୍ରିୟମଣି, ଗୌତମ ବାସୁଦେବ ମେନନ୍ ଏବଂ ନାରାୟଣ ମଧ୍ୟ ଅଭିନୟ କରିଛନ୍ତି। ଫିଲ୍ମଟି ଏକ ରାଜନୈତିକ ଆକ୍ସନ୍ ଡ୍ରାମା । ଯେଉଁଥିରେ ଅନେକ ଦମଦାର୍ ଆକ୍ସନ୍ ସିକ୍ୱେନ୍ସ ଦେଖିବାକୁ ମିଳିବ।
